Qendra për të drejtat e fëmijëve në Shqipëri me mbështetjen e Agjencisë Kombëtare të Rinisë dhe Ministrisë së Shtetit për Rininë dhe Fëmijët, ka organizuar në Korçë “Ditën e Rinisë”, ku janë prezantuar planet vendore për të rinjtë e bashkive Korçë, Devoll, Maliq dhe Pogradec, që vjen si pjesë e nismës “Shërbime rinore me një ndalesë”.
Pjesë e këtij aktiviteti ka qenë edhe panairi i zhvillim-punësimit rinor që konsistonte në informimin e të rinjve për hapësirat që mund t’ju ofrohen për shërbime rinore dhe për në tregun e punës.
“Dita e Rinisë” është shoqëruar edhe me ekspozitën e konkursit të fotografisë të të rinjve.
