Në një moment historik për prodhuesit shqiptarë të verës, vera Kallmet Rezervë “AMË”, e prodhuar në fshatin Fishtë, u dhurua si një simbol i trashëgimisë dhe pasurisë kulturore të Shqipërisë për Papa Françeskun.
Kjo verë, e cila ruan shekuj historie, u shoqërua me një plis tradicional shqiptar si suvenir, i dorëzuar nga Monsinjor Arjan Dodaj. Kjo ngjarje përkujton një traditë të vjetër që daton deri në kohën kur Shqipëria kishte një Papë me origjinë shqiptare, Papa Albani.
Kultura vreshtare shqiptare, e cila i mbijetoi sfidave të komunizmit dhe tranzicionit, është rikthyer më e fuqishme se kurrë, duke mbajtur amanetin e brezave për të mirëmbajtur këtë tokë të bekuar. Projekti i verës Kallmet është një simbol i përkushtimit të shumë familjeve vreshtare që ruajnë dhe zhvillojnë traditën e vreshtarisë në Shqipëri.
Ndërkohë, më 21 shtator, Shqipëria përkujton 10-vjetorin e vizitës historike të Papa Françeskut në vend, një ngjarje e cila vazhdon të frymëzojë bashkëpunimin dhe përkrahjen për projekte që promovojnë kulturën dhe trashëgiminë kombëtare.
“Falenderojmë me zemër çdo kënd që na përkrah në këtë projekt më të madh se ne,” kanë deklaruar prodhuesit, të emocionuar për këtë arritje të jashtëzakonshme.
Ja çfarë u shkrua:
Kur u kthyem dhe filluam punën, kishte momente që mendonim se nuk do ja dilnim.
Braktisja, shkretëtimi dhe pesimizmi i njerëzve, ishin demoralizues por dilte cdo herë diku një rreze drite dhe besimi që na mbushte me shpresë.
Kush do e mendonte që një ditë vera jonë AMË Kallmet Rezervë e prodhuar në Fishtë të përfundonte në selinë e shenjtë dhuratë për Papa Franceskun e shoqëruar me një Plis si suvenir nga Monsinjor Arjan Dodaj.
Histori që përsëritet kjo e Verës Kallmet që me shekuj në kohët kur kishim një Papë me origjinë Shqiptare sikur Papa Albani.
Një histori ku pas fshihen shumë familje vreshtare kujdestare dhe mirëmbajtës të kësaj toke të bekuar si amanet përjetësie ku i mbijetoj përtej komunizmit kultura vreshtare me një rikthim ma të fortë tek toka si pronë private dhe e drejtë e shenjtë e çdo familjeje.
Pasneser bëhen 10 vite nga ardhja e Papa Franceskut në Shqipëri dhe skishim si festonim më mirë.
Falenderojme me zemër cdo kënd që na përkrah në këtë projekt më të madh se ne!
