Këtë pyetjen e dëgjon shpesh tek drejtuesit e lokaleve dhe restoranteve në Pazari i Vjeter i Korçës.
Deri vjet, muzika në qendër të këtij sajti turistik të veçantë të juglindjes gëlonte, duke sjellë jo pak turistë të përkthyer dhe në xhiro dhe përfitim ekonomik për operatorët që punojnë aty.
Vitin e kaluar e mesa duket, me ligj dhe këtë vit, muzika deri në 00:00, brenda një norme të caktuar dhe decibeli po sjell më tepër dëm në xhepin e biznesebe sesa përfitim.
“Një turist vjen të hajë, të këndojë, të pijë e të dëfrehet e jo të ikë në hotel në orën 12 të natës. Nuk vijnë të flejnë në Korçë, vijnë të shijojnë Korçën. Shijohet Korça pa muzikë” – flet për Kolibri.al një nga menaxheret e lokaleve në Pazarin e Vjeter.
Nga ana tjetër, pikërisht operatorët turistik kanë kërkuar institucioneve përkatëse për të lejuar që në sheshin e Pazarit të Vjeter por edhe vet lokalet të mbajnë muzikën pa orar, duke u shprehur se në qoftë se kjo nuk ndodh, dëmi do të jetë i madh për ta financiarisht por edhe imazhi i vet Korçës turistike.
Ju si mendoni, a duhen lejuar muzika pa orar për Pazarin e Vjeter të Korçës?
