Babëzia për të përfituar sa më shumë nga fondet publike, nën petkun e investimeve, shfaqet gjithmonë e më hapur, në Bashkinë e Korçës dhe në institucionet e varësisë së saj.Një numër gati i pabesueshëm tenderash, 57, janë dhënë PA GARË që nga viti 2021 e deri tani që po flasim.
Thënë më qartë, drejtorat e këtyre institucioneve dhe Kryetari i Bashkisë, ia kanë dhënë tenderat kujt i ka dashur qejfi. Kjo përmendet si shkelje e nivelit të lartë edhe në raportin e KLSH për vitin 21.
Këto prokurime, të ashtuquajtura “me flamur të kuq” janë bërë modë tashmë për z.Filo dhe drejtorat e tjerë të institucioneve të varësisë, përkatësisht:
- Mbetjet e qarkut – 5 tendera me vlerë totale 235 milion lekë;
- Ndërmarrja mbështetëse e arsimit dhe çerdhes – 6 tendera me vlerë totale gati 400 milion;
- Ujësjellës -Kanalizimet (në varëesi të bashkisë deri para 3 muajsh) – 12 tendera me vlerë totale plot 1 miliard lekë;
- Ndërmarrja e shërbimeve publike – 16 tendera me vlerë totale gati 2 miliard lekë;
- Bashkia Korçë – 18 tendera me vlerë totale rreth 2.4 miliard lekVlera e tyre e marrë së bashku kap shifrën e afro 6 miliard lekë.
Siç e shihni, sasi të konsiderueshme fondesh publike, para nga taksat e qytetarëve, trajtohen sikur të ishin pronë e këtyre zotërinjve që i kanë dhënë këto tendera në njerëzit që kanë dashur, duke eleminuar konkurrencën dhe duke abuzuar me pushtetin që i kanë dhënë qytetarët.
Duke i drejtuar këto fonde dhe investime aty ku iu ka interesuar, i kanë mbyllur të gjitha rrugët bizneseve që operojnë në këto fusha dhe duke e përqendruar pushtetin dhe paratë vetëm në dorën e një grushti njerëzish.
Praktikisht, e njëjta filozofi drejtimi me qeverisjen qëndrore. Prandaj bizneset po mbyllen dhe rinia po largohet, duke e kthyer këtë vend në një vend të plakur dhe të varfër.
Kemi denoncuar edhe më përpara abuzimin me rregullat e prokurimeve për këto institucione dhe drejtuesit e tyre. Gjithashtu, kemi treguar me fakte dhe dokumenta, vjedhjet që janë bërë dhe vazhdojnë të bëhen nga Sotiraq Filo dhe vartësit e tij.
Të gjithë bashkëpunëtorë të ngushtë të Kryetarit të Bashkisë dhe të Kumbarit të tij, z. Peleshi.
Kjo çetë grabitësish dhe abuzuesish, tani po kërkon të qëndrojë akoma në pushtet dhe të vazhdojë të abuzojë mbi kurrizin dhe mbi xhepat e qytetarëve.
Të nderuar qytetarë!
Erdhi koha që t’iu themi “BOLL” dhe t’iu tregojmë vendin këtyre njerëzve që janë kthyer në dëmtuesit kryesorë të qytetit. Të dielën, më 14 Maj, kemi në dorë t’iu japim atë që meritojnë;
T’I PUSHOJMË NGA PUNA! TË SJELLIM NDRYSHIMIN!
