Ministri i mbrojtjes Niko Peleshi ka bërë me dije se dronët ‘Bayraktar’ shumë shpejt do të bëhen pjesë e Forcave tona të Armatosura, të cilët janë teknologjia më e lartë e fluturimeve që përdoren për misione ushtarake, policore dhe civile.
Kompletimi i Shqipërisë me flotën e këtyre dronëve është një rëndësi e veçantë në funksion të sigurisë sonë kombëtare dhe asaj të Aleancës, si respektim i detyrimeve që rrjedhin nga Strategjia e Sigurisë Kombëtare, Strategjia Ushtarake dhe objektivat e Kapaciteteve të NATO-s.
Me tej Peleshi shprehet se Ministria e Mbrojtjes është e përkushtuar për të përdorur teknologjinë më të avancuar në mbrojtjen e territorit tonë!
