Zjarri i rënë disa ditë më parë në shtegun pyjor të Pishë Poro-Darëzezë ka qenë një nga misionet më të vështira për të gjithë, forcat e shërbimit zjarrfikës, ekipet e emergjencave civile dhe banorëve.
Ministri i Mbrojtjes, Niko Peleshi, ka qenë në terren për të parë nga afër situatën. Për ministrin Peleshi ndërhyrja nga ajri e shtetit fqinj grek me dy avionë Canadar e ka vënë situatën e vatrave të zjarrit nën kontroll. Po ashtu ai ka theksuar se operacioni i ndërhyrjes nga ajri do të vijojë deri në normalizimin e plotë të zjarrit.
“Ne do të jemi këtu dhe do të mbështesim me forca, mjete dhe logjistikë deri në eleminimin e plotë të zjarrit, i cili ka përshkruar një sipërfaqe të madhe në këtë masiv pyjor. Çdo ndërhyrje ka rëndësinë e vet, si nga ajri ashtu edhe nga toka, por specifika që paraqet ky zjarr e të domosdoshme ndërhyrjen nga toka, gjë që e kemi bërë që ditën e parë”- është shprehur Niko Peleshi.
