E gjithë kjo festë organizohet për të ruajtur traditën e hershme të prodhimit të verës në mënyrë artizanale nga banorët e Pogradecit dhe jo vetëm.
Historiani Ledjan Zeqollari tregon se elementët e vreshtarisë janë të pasqyruara dhe në mozaikun e Linit, që i përket shekullit të XV, çka tregon se në këtë krahinë vreshtaria është kultivuar herët.
Për Neli Naço dhe Aleksandër Petre, banorë të këtij qyteti nxjerrja e verës së re është momenti më familjar dhe miqësor për pogradecarët, të cilët mblidhen në qilarët e banesave të tyre rreth buteve të verës, traditë e cila vijon dhe sot.
Pogradeci shquhet edhe për kultivimin e gështenjës, aq sa ka zona të tëra me sipërfaqe të mëdha të mbjella me gështenja. Vera dhe gështenja sipas të riut Rogen Karafili rrinë mirë me njëra tjetrën.
Nënkryetarja e bashkisë së Pogradecit Entela Gusho tha se për të ruajtur traditën e prodhimit të verës dhe kultivimit të geshtenjës, Bashkia e Pogradecit ka nxitur banorët të shtojnë sipërfaqet e vreshtave dhe gështenjave.
Zonat më të njohura të vreshtarisë në Pogradec janë rrëzë ish kalasë si dhe fshatra të njësisë administrative Dardhas e Çërrave ndërkohë që vitin tjetër është menduar që kjo festë të kryhet në përmasa të mëdha, në 30 vjetorin e saj.
