Përkujtojmë sot 129-vjetorin e lindjes së mësuesit dhe patriotit Esat Minarolli.
Lindi më 3 maj 1895, ishte nga mësuesit e parë të Pogradecit, i cili ka dhënë mësim në shkollën e vajzave qysh në vitin 1915 së bashku me të vëllain Muhamer Minarollin. Në vitet në pasuese shërbeu si mësues dhe drejtor shkolle në Pogradec, Lin dhe Zërvaskë duke punuar me përkushtim në zhdukjen e analfabetizmit.
Si patriot ka dhënë kontribut veçanërisht gjatë viteve të Luftës Antifashiste Nacional Çlirimtare, kohë kur edhe u burgos e internua nga pushtuesit italianë. Nga viti 1944 deri në vitet e para pas çlirimit të Shqipërisë ka shërbyer si kryetar i Këshillit Nacional Çlirimtar për Pogradecin. Në vitin 1948 iu rikthye arsimit ku punoi me përkushtim deri në daljen e tij në pension në vitin 1962.
Ndërroi jetë në vitin 1969 duke lënë pas emrin e mirë dhe ndikimin e tij në veprimtarinë arsimdashëse dhe patriotike të Pogradecit.
#memorie #figurahistorike
