Safet Gjici dëshmon në seancën gjyqësore në përfundim të konkluzioneve që u paraqiten nga avaokati i tij.
Gjici: Kam disa gjëra shtesë për të thënë përpos atyre që tha avokati. Përplasja ime me Abedin Orucin ka nisur që në vitin 2019 kur unë në cilësinë e kryetarit të bashkisë i hoqa atij rrethimin me kangjëlla hekur të sheshit para bashkisë sepse nuk ishte pronë e tij. Këtë gjë e provova në bazë të dokumetave në kadastër që ajo tokë nuk ishte e Abedin Orucit. Bëhet fjalë për 9.3 dylym tokë.
Po ashtu unë nuk kam lejuar që Abedin Oruci të ndërtojë një objekt paleje në afërsi të liqenit të Kukësit. Po ashtu me Orucin kam pasur edhe përplasje fizike ditën që ka qenë në Kukës ambasadorja hollandeze. Kam bërë kallëzim për Orucin, 5 akuza ka pasur në ngarkim të tij në Prokurorinë e Kukësit por kanë arritur që t’i pushojnë. Konflikti mes nesh ka qenë i hapur dhe ai e pagoi Alma Kacin në shenjë hakmarrje pse unë nuk e lashë të zaptonte pronat e bashkisë dhe të ndërtonte në mënyrë të paligjshme.
Ai ka qenë 1 vit e ca në kërkim për çështjen e ndërtimeve pa leje. Abedin Oruci më ka sulmuar për shkak të detyrës, që nga 2019 pasi unë s’kam pas asgjë personale kam bërë vetëm detyrën. Kush më ka dhënë substancë narkotike, Alma Kaci me bashkëpuntorin e saj pse këtë fakt nuk e heton prokuroria.
Pse Alma pasi bëri videon ja dha Abedin Orucit, pse nuk është hetuar ky fakt, ndërkohë që unë hetohem prej 6 muajsh a thua se kam krijuar organizatë terroriste. Ku është premtimi që i kam bërë unë Alma Kacit për projektin se nga telefoni im nuk doli asgjë ndërkohë që ajo kishte komuniku me Orucin. Unë i thashë shko te zëvendësi Almës por ajo as aty nuk e dorëzoi.
Në buxhetin e vitit 2023 ne nuk kishim të parashikuar një gjë të tillë, fond për qentë. Ata më sulmuan pse nuk i lejova të ndërtojnë pa leje dhe të përvetësojnë tokën. Unë kam marrë dënimin më të madh, dënimi është moral, u kërkoj falje familjarëve të mij dhe qytetarëve të Kukësit (u përlot).
Oruci donte që të iki unë dhe të vinte në zbatim projektet e tij, shkoni në Kukës dhe shikoni si i kanë zbaptuar pronat e bashkisë. Abedin Oruci ndërvite ka pasur 25 çështje penale. Unë kërkoj pafajësi, sepse nuk kam shkel asnjë ligj.
