Kjo është makina (fugoni) që fëmijët dhe personat me AFTËSI NDRYSHE të qendrës Atelie u duhet të udhëtojë çdo ditë për të shkuar nga shtëpia e tyre drejt qendrës.
Para se të vazhdoj, u ritheksoj, JANË PERSONA ME AFTËSI NDRYSHE, TË PAPËRGJEGJSHËM PËR VEPRIMET E TYRE.
Tani, mendoni pak, një person me karrocë sesi mund të qëndrojë në këtë fugon i cili duket si traktor në ndonjë arë e jo mjet i cili transporton persona TË VEÇANTË!
Nga kontaktet që kam pasur me drejtoreshën e kësaj qendre Çiljeta Cani, ka pranuar problematikën tejet të madhe për këtë mjet transporti, i cili nuk përmbush asnjë kërkesë që nevojitet për këtë kategori personash. Një mjet i amortizuar në kulm, i cili hera herës fiket rrugës duke rrezikuar dhe jetën e fëmijëve, një mjet që vetëm i tillë nuk mund të quhet.
Përtej problematikës së nxjerrë, le të shërbejë ky postim si një thirrje për ata që mund të dhurojnë një mjet për këtë qendër. E theksoj dhe e ritheksoj, nuk bëhet fjala për një mjet për kryetar bashkie, as për një ministër, as për një deputet, as për ndonjë bij të përkëdhelur por për disa njerëz që fati kështu i solli në këtë jetë.
Qëndra është në varësi të Shërbimit Social dhe Bashkisë Korçë – asnjëra nuk ka bërë ende diçka për këtë problem!
Ndaj, miq, ju lutem, e di që nuk është një kërkesë e zakonshme, nuk po kërkohet 100 euro pako ushqimore, është diçka e kushtueshme, por në fund të ditës është diçka humane, hyjnore dhe e domosdoshme për këta njerëz.
Vini dorën në zemër!
