Personat e pa kartelizuar pranë qendrës së shëndetit mendor që jetojnë të vetmuar për shkak të kushteve sociale paraqesin rrezikshmëri për veten e tyre dhe komunitetin.
Kështu është shprehur drejtoresha e shëndetit mendor në Korçë Nikolina Bode, e cila shkon me tej kur tha se në këto temperatura të larta risku për kategorinë e personave me moshë të konsiderueshme është i lartë.
Mjekja neuropsikiatre u kërkon fqinjëve të personave të moshuar që jetojnë të vetëm në banesat e tyre të bëjnë kujdes me këtë kategori sociale për të njoftuar në kohën e duhur mjekët e shërbimit mendor.
Burime të siguruara bëjnë me dije se pranë qendrës së shëndetit mendor në Korçë janë të kartelizuar dhe ndiqen rregullisht me shume 3700 persona, numër ky që mendohet të jetë më i madh.
