Pogradeci mposht Skënderbeun në një thriller me pesë sete finalisti i titullit përcaktohet në Korçë.
Pogradeci ka arritur të barazojë serinë gjysmëfinale të play-off-it në volejbollin për femra, pasi mposhti Skënderbeun me rezultatin 3-2 në një ndeshje spektakolare të zhvilluar në Pallatin e Sportit të Pogradecit.
Sfida ishte një betejë e vërtetë sportive, ku të gjitha pesë setet u luftuan deri në pikën e fundit. Setet përfunduan me rezultatet: 25-23, 24-26, 26-24, 23-25 dhe 15-13, duke i dhënë vendaseve fitoren e shumëkërkuar që çon serinë në 1-1.
Tashmë gjithçka do të vendoset në përballjen e tretë dhe të fundit, që do të zhvillohet në Korçë, në Pallatin e Sportit “Tamara Nikolla”, më 16 prill në orën 17:00.
Trajneri i Pogradecit, Besnik Lisha, dhe lojtaret Paola Gjata, Edona Kalludra dhe Tatyana Seale në prononcimet e tyre pas ndeshjes, e përshkruan këtë duel si një “finale të parakohshme”, për intensitetin dhe emocionet që prodhoi. Ata theksuan se përballja e tretë do të nisë nga e para dhe do të jetë vendimtare për të përcaktuar kush do të luajë për titullin kampion.
Ndeshja e trete luhet te merkuren ne pallatin e sportit “Tamara Nikolla” ne oren 17.00 takim ky qe percakton dhe ekipin finalist.
