Djegia gjatë vjeshtës në zonën torfike të fushës së Maliqit është kthyer në një shqetësim serioz për banorët rreth kësaj fushe, në veçanti për afro 2400 banorët e fshatit Sheqeras.
Këta të fundit kanë protestuar mëngjesin e sotëm, për shkak se se situata është shumë e rëndë, sidomos për të moshuarit e fëmijët.
Sipas tyre e gjithë kjo situatë është rënduar më së shumti pas djegies së një sipërfaqe të madhe të zonës torfike pas korrjes se grurit.
Edhe per nxënësit e shkollës së këtij fshati kjo situatë është aq e rëndë sa nuk mund të hapin as dritaret e klasave të tyre.
Kryetari i bashkisë së Maliqit Gëzim Topçiu pranon situatën por thotë se e gjithë kjo ka ardhur për shkak të papërgjegjshmërise së fermerëve që kanë marrë toka me qera në këtë zonë torfike. Topciu shton se për shkak të specifikës të kësaj zone e vetmja shpresë që situata të normalizohet është rikthimi i reshjeve të shiut
Nga 1200 hektarë që ka fusha e Maliqit, afro 600 prej tyre i përkasin zonës torfike. Drejtoria vendore e policisë së Korçës gjatë fushatës së korrjes në këtë zonë ka proceduar penalisht disa zjarrvënës.
