8 vite më parë ekipet e polumbarëve ndërkombëtarë që ishin duke krehur fundin e Liqenit të Ohrit në pjesën e Ppgradecit pranë fortesave, nën drejtimin e Millutin Sekullovskit, instruktor ndërkombëtar i polumbarëve, gjatë kontrollit të fundit të Liqenit të Pogradecit zbuluan pjesë të një aeroplani për të cilin shumë ishtë përfolur ndër vite.
Bëhet fjalë për një aeroplan nga Lufta e Dytë Botërore dhe sipas informacioneve ka të bëjë me një aeroplan gjerman, por, sipas Sekullovskit, nga pjesët e gjetura të aeroplanit, fjala është për një aeroplan anglez.
“Për këtë aeroplan është ditur dhe ne vetëm e zbuluam dhe e dokumentuam. Shumë nga banorët e Pogradecit dhe të vendeve përreth kanë thënë se është aeroplan gjerman, por përkundrazi, bëhet fjalë për një aeroplan anglez.
Pra, pas dokumentimit të pjesëve të aeroplanit, konstatuam se për çfarë aeroplani bëhet fjalë, sepse nën ujë duken vetëm pjesët e këtij aeroplani”-ka deklaruar Sekullovski asokohe.
Sot pas më shumë se 8 vitesh, ky avion nuk po shfrytëzohet si si një atraksion turistik nënujor i cili mund të sillte zhytës nga e gjithë bota.
Asgjë nuk duhet përveçse të vendoset një piketë në zonën ku ndodhet avioni dhe e sigurtë është që zhytësit për ta parë do të ishin nga e gjithë bota mbarë dhe kështu Pogradeci do të ofronte një tjetër mundësi për të eksploruar ujrat e liqenit edhe nga zhytësit amatorë.
