Klubi i Volejbollit të Femrave Pogradec vijon të ndërtojë me kujdes skuadrën për sezonin sportiv 2025-2026. Pas konfirmimit të trajnerit Besnik Lisha dhe volejbollistes pogradecare, vjen edhe firma e tretë e rëndësishme: ajo e Edona Kalludrës.
E njohur si një nga lojtaret më të mira shqiptare në lojën e bllokut, Kalludra ka vendosur të vijojë rrugëtimin e saj me fanellën e Pogradecit, duke rritur pritshmëritë dhe entuziazmin për sezonin e ri.
“Klubi i Volejbollit të Femrave Pogradec ka kënaqësinë të njoftojë vazhdimin e bashkëpunimit me volejbollisten Edona Kalludra për sezonin sportiv 2025-2026,” thuhet në njoftimin zyrtar të klubit.
Rinovimi me Kalludrën është një sinjal i qartë se skuadra po synon rritje cilësore dhe ambicie të mëdha në arenën kombëtare të volejbollit të femrave.
