Një 40 vjeçar është arrestuar nga Policia e Pogradecit, pasi duke parkuar mjetin e tij ka dëmtuar mjete të tjera dhe është larguar nga vendngjarja. Pas arrestimit, zbulohet se 40 vjeçari ishte në gjendje të dehur.
Njoftimi i Policisë;
DVP Korçë/Vihet në pranga 1 shtetas për veprën penale të dëmtimit të automjetit.
Specialistët e Trafikut Urban dhe Interurban të DVP Korçë arrestuan në flagrancë shtetasin I. R., 40 vjeç, banues në Pogradec, pasi duke drejtuar automjetin tip “Volkswagen”, në qytetin e Pogradecit, ka përplasur një automjet tjetër duke i shkaktuar dëme materiale dhe është larguar nga vendi i aksidentit. Më pas, ky shtetas është kapur nga shërbimet e Policisë dhe pas kryerjes së testit të alkoolit rezultoi se e drejtonte automjetin, në gjendje të dehur.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
