Ministrja Belinda Balluku ka inspektuar punimet që po zbatohen në nënstacionin e Pogradecit, investim i cili përmirëson dhe fuqizon në maksimum furnizimin me energji të familjeve dhe bizneseve në këtë qytet.
“Në Pogradec ka nisur puna për fuqizimin e nënstacionit elektrik. Po ndërhyjmë për zëvendësimin e pajisjeve të cilat do të përmirësojnë cilësinë e furnizimit. Investimi përfshinë zonën e qytetit, si dhe zonat turistike Drilon dhe Tushemisht, ku përfitojnë rreth 40 mijë banorë, por edhe turistët e shumtë që vizitojnë këtë qytet. Do të vijojmë me investime, në çdo cep të vendit, për të rritur cilësinë e shërbimit ndaj qytetarëve” shkruan Ministrja Balluku
