Sezoni i ri turistik ka sjellë disa rregulla të reja sa i përket mjeteve ujore me motorr në qytetin liqenor.
Për herë të parë banorëve që jetojnë në fshatrat turistikë dhe që herë pas here varkat e peshkimit i përdorin për vozitje të turistëve, tashmë nuk u lejohet në që të përdorin motorrat pa një leje.
Së fundmi me këtë problematikë janë përballur disa bujtina në Lin, të cilave nuk u është lejuar nga ana e policisë kufitare që të vozitin turistët e huaj me varkë duke përdorur motorrin, por këtë duhet ta realizojnë veç me lopata, në rast se nuk kanë leje.
Por ku merret leja? Sipas të dhënave që kolibri.al ka siguruar, kjo leje ose certifikatë sigurie merret në Durrës, pra pronari i një varke me motorr që nuk ecën shpejt duhet të paraqitet në port, të bëjë deklarimin dhe vlerësohet nëse duhet ta marrë këtë leje ose jo.
Autoritetet thonë se kjo bëhet për arsye sigurie, ndërsa banorët kanë “zgurdulluar” sytë që një rregullore e tillë nuk iu është komunikuar në fillim të sezonit por tani në mes të tij.
Prej shumë ditësh varkat në lin nuk vozitin më si më parë, pasi turistët preferojnë motorr në varkë për të parë të gjithë gadishullin e Linit.
