Vendimi i qeverisë shqiptare në lidhje më stacionet e plazheve private përgjatë 2025 pritet të përgjysmojë numri ne bizneseve verore në Pogradec. Kjo pasi ligji parashikon se hapsirat e plazheve mund të shfrytëzohen vetëm nga njësitë e akomodimit.
Tashmë propocioni i hapsirave në qytetin liqenor ka ndryshuar nga 70 përqind privat e 30 publik, në 80 % publik dhe 20 % privat.
“Raporti për vitin 2025 është 80% plazh publik dhe 20% plazh privat, pasi ne bazë të dhomave akomoduese, shtretërve dhe kapmingjeve vetëm 20 përqind prej tyre do të kenë mundësinë për plazhe private. Pasi në bazë të ligjit që doli në shtator vetëm strukturat akomoduese do të kenë mundësinë të shfrytëzojnë hapsirat për plazhet private”.
Por për Lavdërim Miminllarin një vendim i tillë godet sipërmarrjen e lirë, sipas tij krijohen më shumë hapsira publike por goditet biznesi, ndaj ai propozon edhe një alternativë që bizneset që penalizohen për shkak të mungesës së strukturave akomoduese, të pajisën me leje në plazhin në rrugën e Drilonit.
“Problemi është se kjo ndikon negativisht tek këto biznese që do të bien nga ana e zhvillimit dhe të ardhurave. A ka mundësi të gjejmë një rrugë tjetër që ta zhvillojmë at, pasi do ketë më shumë hapsira publike por do të goditet biznesi dhe kështu do të kemi mangësi edhe në të ardhurat e qytetarëve.
Mendoj se një alternativë që duhet parë për këto biznese është që të shfrytëzohet një tjetër hapsirë, e cila është shumë e mirë, plazhi kur ikën për në Volorekë, mund ti marrin atje hapsirat bizneset dhe kështu zhvillohet edhe ajo zonë”.
Rritja e hapsirave të plazheve publike do të rritë edhe shpenzimet e Bashkisë për mirëmbajtjen e tyre, por për këtë drejtoresha e taksave konfirmon se janë bërë të gjitha përllogaritjet për ta realizuar këtë shërbim.
“Edhe këtë vit pra gjatë 2025 bashkia do të ofrojë shërbimin me cadra falas, sinjalistikën e sigurisë si edhe rojet e plazhit në pjesët publike. Të gjitha janë bërë gati me buxhetin e 2025-ës kemi bërë të gjitha përllogartitjet që të mund të ofrojmë një shërbim sa mëe dinjitoz pushuesëve”.
Nga 60 biznese që kanë operuar vitet e kaluara në Pogradec këtë vit pritet që të pajisen me leje shezlongësh rreth 25 të tillë.
