Pogradeci gjatë 2024 do të njohë bumin më të madh të investimeve dhe zhvillimit, këtë ka deklaruar në mbledhjen e Këshillit Bashkiak, drejtuesi i qytetit Ilir Xhakolli. Ai tha se deri më tani janë zbatuar shumë punë e projekte, por 2024 shoqërohet me finalizimin e disa projekteve madhore që priteshin prej vitesh dhe që do ti japin Pogradecit zhvillim edhe më të madh turistik.
-Investimi në Lagjet Historike dhe kthimi i tyre në motorr zhvillimi
-Shëtitorja përgjatë Liqenit (Lungo Lago)
-Zbulimi dhe konservimi i Kalasë së Pogradecit
-Muzeu i Palafiteve vendbanimit më të vjetër në Europë
Janë 4 projekte madhore që marrin jetë gjatë 2024 dhe që do ti shërbejnë turizmit dhe ekonomisë lokale tha Xhakolli para këshilltarëve.
Rruga Priotisht-Slabinjë-Bishnicë pritet të nisë në fillim të vitit të ardshëm dhe po bëjmë përpjekje maksimale që me projektin e qeverisë “Rrugët e Bardha” do të sigurohen edhe rruga e Llëngës dhe Niçës tha Xhakolli.
Ujrat e zeza në Njësinë Udënisht dhe Çerravë si edhe infrasruktura rrugore në fshatrat e Buçimast janë disa projekte të tjera që përmbyllen me këtë buxhet.
Nga ana tjetër Xhakolli tha se turizmi do të kalojë një shkallë maksimale kjo falë edhe Kampionatit të F1 H2O që do të mbahet në Pogradec në Korrik 2024 dhe interesi për të ardhur ka filluar që tani.
Ne kemi dyfishuar numrin e vizitorëve në vitin që po lëmë pas dhe synojmë që të shkojmë edhe më lart tha Xhakolli në sezonin e ardhshëm, ndërkohë që bëri me dije se në muajin Maj do të bëhet edhe inagurimi i investimit në Drilon që do të jetë i hapur për turistët e vizitorët.
Ndërkohë pritet që mbështetja e qeverisë për projekte do të jetë edhe më e madhe gjatë vitit që vjen përfundoi Xhakolli.
