E bërë tashmë traditë në Mokër të Pogradecit po bëhen përgatitjet për edicionin e 4-ët të “Mokra n’fest”. Një festë mbarëpopullore e cila bën bashkë mokrarët dhe jovetëm, pasi janë me qindra vizitorët që vijnë nga qytete të ndryshme të Shqipërisë dhe i bashkohen kësaj feste.
Por cili është qëllimi i saj?
Organizatorët të cilët mbështeten fuqishëm nga Bashkia Pogradec thonë se qëllimi i saj është promovimi i vlerave më të mira mokrare, trashëgimisë kulturore, historike, natyrore, traditave, zakoneve, gatimeve dhe dollisë mokrare me 101 shëndete.
Tashmë festa është bërë traditë dhe falë saj janë promovuar mjaft zona të mokrës deri tek promovimi i i prodhimeve që po gjejnë treg në zona të ndryshme.
Fokusi është promovimi sidomos i siteve turistike. Për dy edicione ajo u zhvillua në “Varret Ilire të Selcës” ndërsa tashmë për të dytin vit do të organizohet pranë “Urës së Gurit” pranë Golikut, urë e cila ka shërbyer si kalim për karvanët si pjesë e Rrugës “Egnatia”
Çfarë do të ofrohet këtë vit?Premtohet organizim masiv që përfshin të gjitha moshat që nga lojrat për fëmijë, sportet ujore, hipizëm, gatime tradicionale të brumit dhe mishit, ekspozita dokumentare, humor si dhe koncert festiv me këngëtarë të zonës dhe disa emra të njohur që do të piblikohen në ditët në vijim.Këtë herë është menduar edhe për ata që janë të apasionuar pas natyrës dhe fjetjes jashtë.
Çfarë do të ndodhë?
Organizatorët thonë se është vendosur data 19 Gusht për zhvillimin e festës, por ajo do të nisë që në 18, pasi në mbrëmjen e 18-ës do të ketë çadra kampingu, barbekju dhe karaoke, si edhe mundësi për të parë yjet me teleskop.Ura e Golikut është shumë lehtë e aksesueshme. Nga Korça janë 77 km që duhet të përshkoni, nga Tirana 93 km, rruga deri në vendin e festës është e asfaltuar.Ndaj nëse nuk keni menduar diçka për datën 19 Gusht, ju ftojmë në Mokra n’fest, me kulaç e dolli, histori dhe traditë për të kaluar 2 ditë ndryshe.
