Nënkalimet e ndërtuara përgjatë aksit nacional Pogradec- Lin, të ideuara për të garantuar kalimin e sigurtë të banorëve nga njëra anë e rrugës në tjetrën, janë kthyer në banja publike dhe vendgrumbullime plehrash, të cilat sigurisht janë pasojë e dorës së njeriut.
Në Mëmlisht dhe Udënisht nënkalimet nuk po përdoren për qëllimin e tyre edhe pse aksidentet në këtë aks janë shtuar ndjeshëm.
Në këto nënkalime, ajo që të bie menjëherë në sy janë papastërtitë, fekalet, dhe era e rëndë që shpesh e bën të papërballueshme kalimin në to.
Banorët e zonës kanë ndaluar së përdoruri këto nënkalime, duke zgjedhur të kalojnë në rrugën kryesore më e pasigurta për të kaluar rrugën duke rrezikuar jetën.
Kujtojmë se ka një kompano private të koktraktuar për mirëmbajtjen dhe pastrimin e aksit, por duket se kjo e fundit e ka harruar detyrën e saj për të cilën paguhet.
Edhe banorët duhet të tregohen më të përgjegjshëm për ruajtjen e higjenës në këto nënkalime dhe ti përdorin ato për qëllimin e tyre fillestar.
