Vitet e fundit Pogradeci ka tërhequr një numër të konsiderueshëm turistësh vendas e të huaj. Bashkia Pogradec ka nisur herët përgatitjet për të qënë gjithçka gati në sezonin turistik veror.
Burime pranë bashkisë Pogradec bëjnë me dije se një sërë aktivitetesh do të organizohen gjatë verës, ku ndër më kryesoret do të jetë kampionati botëror i motorrave të ujit dhe skafeve, që do të mbahet nga data 1-7 korrik, event që pritet të sjellë një numër të madh vizitorësh.
Ky do të jetë aktiviteti më i madh jo vetëm për qytetin e Pogradecit por për gjithë Shqipërinë, sepse vjen për herë të parë në vendin tonë.
Operatorët turistikë kanë bërë të ditur se prentotimet këtë vit kanë nisur më herët se vitet e kaluara, ndërkohë që datat kur do të zhvillohet kampionati botëror i Formula 1, janë thuajse të rezervuara.
Ndërkohë që edhe evente të tjera ndërkombëtare kulturore, artistike e sportive janë planifikuar të organizohen në qytetin liqenor këtë sezon veror.
