Pas shumë vite pritje 963 fëmijë të lindur në vitet 2016, 2017, 2018 do të kenë mundësinë të tërheqin pagesat e shpërblimit, 50 mijë lekë të vjetra. Para të cilat për arsye të paditura nuk ishin shpërndarë nga Ministria e Financave drejt bashkisë dhe për pasojë nuk ishin paguar familjet për çdo lindje të re. Sot shumiva e fëmijëve janë nga 8 vjeç, megjithatë dikush u kujtua për ta dhe paratë kanë kaluar. Bashkia në njoftimin e saj ka bërë me dije këtë lajm për gati 1 mijë familje në qytet dhe fshatra.
Njoftimi:
Shpërblimi i lindjes për fëmijët (të prapambeturat ndër vite)
Nga dita e nesërme e premte 28.12.2023 do të nisë shpërndarja e shpërblimeve të lindjes (5 mijë lek) për të gjithë ata fëmijë që nuk kanë mundur ti tërheqin për vite me rradhë. Bashkia Pogradec ka arritur që të sigurojë nga Ministria e linjës të gjithë vlerën e nevojshme për 963 fëmijë në qytet dhe njësitë administrative. Tërheqja mund të bëhet pranë Postës Qëndrore në qytet dhe çdo pike poste në njësitë administrative nga dita e nesërme dhe në vazhdim.
Gëzuar Festat!
