Qeveria Shqiptare ka çelur dritën jeshile për investimin e lagjeve muzeale në Pogradec. Bëhet fjalë për mëhallën ku kanë jetuar Lasgush Poradeci dhe Mitrush Kuteli. Projekti prek vitesh priste financimin dhe më në fund qeveria e ka miratuar. Lajmin e bëri të ditur ditë më parë edhe kryebashkiaku i Pogradecit Ilir Xhakolli, i cili njoftoi se fondi i ka kaluar Fondit të Zhvillimit, i cili do realizojë procedurën e prokurimit për përzgjedhjen e firmës që do të zbatojë projektin.
Projekti do të prekë “Toplecin” dhe “Naim Frashërin” dhe ka në qendrë sistemin rrugor, fasadat, çatitë, dritare, sistemin e ndriçimit etj që janë pjesë e lagjeve muzeale.
Ndërkohë zv/kryetari Paskalino Ziko thotë se
bremda 2 muajve të ardhshëm fillojnë punimet.
Foto Galeri projekti
Në marrëveshje me pronarët do të shpronësohet dhe të kthehet në muze, shtëpia e Lasgush Poradecit dhe po përmes marrëveshjes me pronarët do të rindërtohet shtëpia e Kutelit në të njëjtin truall. Pjesë e projektit janë shkolla e dytë shqipe dhe fototeka Cici.
Puna nis brenda dy muajve të ardhshëm të këtij viti dhe parashikohet të zgjatë 16 muaj. Me këtë investim qytetit i hapen tre muze për vizitorët dhe e gjithë zona kthehet në një pol të madh të turizmit kulturor, pasi priten që shumë biznese të afrohen për hapjen e bujtinave dhe shërbime të ndryshme turistike. I gjithë projekti kap vlerën e 6.5 milionë eurove.
