Dy kanata nga qyteti i Pogradecit janë zënë dhe konfliktuar mes tyre. Konflikti ka agravuar dhe njëra prej tyre ka arritur deri aty sa ka dhunuar kunatën e saj, duke bërë që të pajiset me urdhër mbrojtjeje. Menjëherë ka nisur procedimi penal për të.
Njoftimi i policisë;
DVP Korçë/Procedohen në gjendje të lirë 1 shtetase për veprën penale të dhunës
Specialistët për Hetimin e Krimeve të Komisariatit të Policisë Pogradec referuan materialet në Prokurori ku filloi procedimi penal në gjendje të lirë për shtetasen M. S., 48 vjeçe, banuese në Pogradec, pasi dyshohet se ka ushtruar dhunë ndaj kunatës së saj, e cila u pajis me urdhër mbrojtjeje.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
