Pogradeci së shpejti do të kalojë në një standard të shërbimit turistik pasi priter të ndërtohet një komplek turistik me disa godina ku më e larta do të jetë 23 kate.
Bëhet fjalë për ndërtimin e një seri hotelesh të cilat do të kenë markë amerikane e cila ende nuk është bërë e ditur. Investimi pritet të kryhet nga një biznesmen pogradecar i njohur në fushën e ndërtimit kryesisht në kryeqytet.
Vendodhja e hoteleve që fillojnë nga 13 deri në 23 kate do të jetë shumë pranë liqenit tek zona e ish turizmit të vjetër dhe ish oktapodi të cilat sot për sot janë dy njolla të zeza të qytetit.
Mësohet se biznesmeni ka arritur të blejë sipërfaqen e tokës 11.000 m2 tek pronarët në vlerë 5 milionë euro dhe tashmë ka bërë gati projektin që do të zbatojë aty.
E vetmja pengesë që duhet të kalojë ky projekt është miratimi në KKT dhe sigurisht firma e Ramës për ti hapur rrugë investimit.
Mësohet që krahas hoteleve aty parashikohet edhe ndërtimi i një moli të ri varkash dhe skafesh në grykëderdhjen e lumit ndërsa krahas invstimit dhjetra miliona eurosh, Pogradeci do të ketë një ofertë të re shërbimi turistik dhe akomodimi ashtu siç pritet që në përfundim aty të punësohen mbi 100 punonjës.
Por a do ta firmosë Rama këtë projekt që ndihmon ekonominë e qytetit, kjo mbetet për tu parë ndërsa projekti tashmë është depozituar në Ministritë e linjës.
