Pogradecit i shtohet një tjetër shkolle re. Së fundmi pas shumë vitesh pritje Bashkia dhe Ministria e Arsimit kanë nisur investimin për shkollë të re në fshatin turistik të Linit.
Shkolla 9-vjecare e ndërtuar që në kohën e komunizmit prej vitesh kishte ndezurt alarmin për investim, pasi ambientet e saj ishin shumë të vjetra, nuk ofronin kushtet e duhura për nxënësit apo edhe vetë mësuesit, akoma më keq shkolla nuk kishte një ambjet të duhur palestre apo këndesh sportive në oborrin e saj.
Por tashmë këto problematika pritet të marrin fund falë financimit të projektit qe Bashkia ka fituar në Ministrinë e Arsimit. Në një njoftim të saj në FB Bashkia premton ambiente të reja, kënde sportive dhe teknologjike për nxënësit,
Njoftimi
Shkolla “Myredin Bashalli” në Lin drejt transformimit
Një tjëtër shkollë ka nisur të rikonstruktohet totalisht dhe së shpejti do të ofrojë ambiente me standarde bashkëkohore për nxënësit. Me projekt të Bashkisë Pogradec dhe bashkëfinancimit me Ministrinë e Arsimit dhe Sporteve kjo shkollë do të ketë klasa të reja, ambjente të reja për mësuesit, kënde sportive, bazë të re materiale e teknologjike.
Jemi të angazhuar maksimalisht që të ofrojmë infrastrukturën e duhur për brezat e rinj dhe nxënësit e Linit, Buqezës e Psikupatit e meritojnë plotësisht.
