Pogradeci ka nisur përgatitjet për sezonin e veror 2024. Fakti që sezoni i kaluar solli një numër të konsiderueshëm vizitorësh dhe turistësh ka bërë që këtë vit puna nga bashkia dhe operatorët turistikë të nisë më shpejt.
Bashkia e këtij qyteti ka nisur pasrimin e vijës bregliqenore e cila sipas kryebashkiakut Ilir Xhakolli nuk pastrohej prej shumë vitesh, ndërkohë që krahas pastrimit do të ketë zgjerim të hapsirave publike.
“Po rehabilitojme rërën e bregut të liqenit të Pogradecit mesa e shohim ka probleme serioze plazhi, pasi po t ë gërmosh gjen mbeturina dhe gurë që nga shumë vite më parë. Ne po punojmë t’i largojmë dhe besojmë se për 1 muaj do t kemi një breg më të mira se sa është sot. Pastrimi i plazhit ne qytet deri në Drilon, gjithashtu do të bëjmë edhe disa prishje urash në hyrje të qytetit të cilat kanë penguar zhvillimin e plazhit atje.
Ne sivjet presim akoma më shumë turistë, ne kishim mbi 450 mijë të tilllë dhe do marrim masat për të përballuar të gjithë fluksin që presim. Ne patëm falenderime nga qytetarët për hapsirat publike edhe këtë vit do të ofrojmë të gjitha kushtet e nevojshme për ta”.
Mimoza Shuli operatore hoteliere në Pogradec shprehet se kërkesat kanë filluar tashmë, për herë të parë në Pogradec ka prenotime nga Meksika ndërsa vijojnë prenotimet edhe nga Europa.
“Ne kemi filluar të përgatitemi, me resaturimet dhe rritjen e cilësisë së shërbimit. Viti i kaluar ishte vit I sukesesshëm, këtë vit presim fluks më të madh. Rezervimet kanë filluar dhe kemi nga vende që nuk këmi pasur më parë, kemi nga Meksika, Kanadaja, Amerika kemi klientë të përhershëm që vijnë,gjermanët ceket dhe polakët tashmë janë miqtë tanë pasi ata vijnë cdo vit në Pogradec.”
Duke se problem kryesor me të cilin do të përballen të gjitha njësitë e shërbimit në vend do të jenë burimet njerzore edhe pse sic thonë operatorët kërkesat e punës tashmë vendos punëmarrësi dhe jo punëdhënësi.
“Kemi problem me burimet njerëzore është problem shumë i madh, sot nuk flasim për punonjës të kualifikuar por po flitet se nuk ka punonjës. Kjo nuk ka të bëjë më rogën pasi kushtet tashmë nuk i vendos punëdhënësi por punëmarrësi, ne i marrim i intervistojmë, testojmë dhe i pyesim cfarë kushtesh kanë”.
Pogradeci e mbylli vitin e kaluar me mbi 440 mijë vizitorë dhe turistë ndërkohë që këtë vit pritshmëritë janë edhe më të larta dhe një sezon veror më të gjatë se vitet e kaluara.
