Rreth 124 mijë turistë vendas e të huaj qëndruan më shumë se 1 natë në njësitë e akomodimit përgjatë 2023-shit, ndërsa bashkë me vizitorët Pogradeci e mbylli 2023-in me mbi 440 mijë vizitorë e turistë.
Por të shumtë janë turistët që zgjedhin të vizitojnë qytetin e Pogradecit edhe në stinën e dimrit. Pas një fluksi të lartë të turistëve gjatë festave të fundvitit, vihet re se edhe fundjavat e muajit janar kanë patur rezervime të shumta.
Sipas nënkryetares së bashkisë Entela Gusho, ky sezon turistik dimëror ka qënë i suksesshëm. Sipas saj përveç liqenit që tërheq vëmendjen e turistëve në çdo stinë, një tjetër arsye pse duhet vizituar Pogradeci është edhe kulinaria e zonës, shtighet për hiking, monumentet e natyrës dhe ato arkeologjike.
Të dhënave nga Drejtoria e Durizmit dhe Trashëgimisë Kulturore referuar shifrave zyrtare të operatorëve turistikë janë rreth 124 mijë turistë vendas dhe të huaj të cilët kanë pushuar në Pogradec përgjatë vitit 2023, ndërsa bashkë me ata ditorët numri arrin në 440 mijë, ndërsa për 2024 është duke u përgatitur një strategji e re për të shtuar edhe më tepër netë qëndrimet në qytetin liqenor, pasi kërkesa do të jetë e lartë për shkal edhe të kampionatit të F1 në ujë që do të mbahet në korrik të 2024-ës.
