Gjergji Lako ose siç e njihnin në Pogradec me emrin e arrit Skëndi, do të kishte këtë vit 75 vjetorim e lindjes por që 8 vite më parë zemra e tij do të pushonte së funksionuari, ashtu si peneli mbi telajo. si pasojë e një sëmundje të rëndë. Por edhe pse jo fizikisht, autori ka mundur që të jetë i pranishëm mes ardashësve me 4 ekspozita punimesh që çelen nga vajza dhe bashkëshortja e tij në vitet e fundit.
Sipas Lorit, vajzës së Gjergjit, autori i mungon së tepërmi Pogradecit, qytetit që aq shumë e frymëzoi dhe e pikturoi me qindra herë në telajot e tij. Prandaj edhe në ekspozitën e fundit që shënoi 75 vjetorin e lindjes së Lakos, ajo çeli një ekspozitë me punime të pashfaqura më parë, nga natyra deri tek nudizmi.
Për kolegët dhe ish studentë të Lakos, vetë profesori ishte një akademi më vete. Ai ka dhënë një kontribut të madh në mënyrën se si e ka sjellë Pogradecin në pikturat e tij, por edhe në formimin e brezave të rinj në pikturë.
Gjergji Lako ose Skëndi edhe pse jo fizikisht i pranishëm në këtë ekspozitë ja ka dalë që të surprizojë sërish artdashësit dhe kolegët me ngjyrat dhe format e pikturës që vetëm ai dinte ti realizonte në këtë formë, e që ky 75 vjetor i gjeti një pjesë të tyre të ekspozuara në Galerinë e Arteve të qytetit.
Ndërsa në shtëpinë e tij ka ende me qindra piktura që presin të shohin dritat e ekspozitave.
