Historikisht qyteti liqenor ka vuajtur për një treg të mirëfilltë ose markatë ku tregëtarët apo fermerët të shesin prodhimet e tyre.
Pas kaq vitesh në qytetin liqenor, ky lloj aktiviteti zhvillohet në ish zonën ibdustriale, aty ku shitet ku në rrugë, ku në trotuar e ku në baraka që nuk përmbushin kushtet e një dyqani.
Të gjitha këto janë hapsira private me qera, ku shitet ashtu, fshatçe dhe pa asnjë imazh të mirë për këdo që blen aty. Së pari produktin duhet ta “hajë” syri thotë një shprehje popullore, por as kjo nuk ndodh.
Kur jetojmë 2024, Pogradeci ka një 5 fishim të turistëve e vizitorëve, kërkesa dhe cilësia e shërbimit janë rritur, në fakt çedon në treg, aty ku prodhimi, bulmeti, perimet, frutat shiten si në vendet e treta, pa sistem, pa pastërti dhe pa shije.
