Ka përfunduar rikonstruksioni nga fillimi i dy shkollave në Starovë të Pogradecit. Bëhet fjalë për gjimnazin “14 Ëngjëjt” dhe shkollëm 9-vjeçare “Servet Agolli”.
Të dyja shkollat janë një investim 30 me 70 midis Bashkisë Pogradec dhe Ministrisë së Arsimit. Godinat me kushtet e reja dhe mjaft bashkëkohore kanë hapur tashmë dyert për nxënësit të cilët kanë mundësi tashmë të mësojnë në kushte si kurrë më parë. Me ambiente të reja, salla informatike, sportive etj.
Ministrja Ogerta Manastriliu teksa ka publikuar pamjen e tyre tha:
Edhe dy shkolla të reja rindërtohen me standarde evropiane.
Shkolla 9-vjeçare “Servet Agolli” dhe gjimnazi “14 Engjejt”, janë dy shkollat e sapo rikonstruktuara në Buçimas të Pogradecit, me një financim të Ministrisë së Arsimit dhe Sportit, në bashkëpunim me bashkinë Pogradec, të cilat do të hapin dyert së shpejti, për të garantuar një mjedis mësimor bashkëkohor për nxënësit dhe mësuesit.
Më shumë se 60 shkolla të reja po rindërtohen dhe do të rehabilitohen në të gjithë vendin, falë financimit të Ministrisë së Arsimit dhe Sportit, bashkive dhe partnerëve tanë ndërkombëtarë.
