Bashkia Pogradec ka kthyer vëmendjen tek shërbimet bazike. Sipas njoftimeve më të fundit në qytet janë duke i mbjellë fidanë të rinj pemësh në hyrje të qytetit me qëllim për ti dhënë asaj një pamje tjetër. Më shumë se 60 fidanë të llojit Photinie, janë mbjellë së fundmi, një pemë dekorative mjaft e bukur në çelje.
Nga ana tjetër 20 stola të rinj i janë shtuar sheshit para pallatit të kulturës, duke zëvendësuar të vjetrit dhjetra vjeçarë.
Megjithatë në komente njerzit nuk duken shumë entuziastë për çka ndodh, pasi ankohen se në qytet nuk ka njerëz dhe nuk ka kush të ulet në stola.
Ndërsa sa i përket fushatës së mbjelljeve të reja ato pritet të vijojnë edhe në parkun e qytetit për të zëvendësuar të vjetrat që për hir të së vërtetës janë kthyer në rrezik për komunitetit pasi çdo herë që fryn erë, rrëzohet një pemë.
