Policia Rrugore e Korçës, e pranishme në të gjitha akset rrugore të qarkut (me fokus ato në afërsi të shkollave), gjatë muajit tetor.
Gjatë këtij muaji:
- Janë arrestuar në flagrancë 12 shtetas
- Janë proceduar penalisht 5 shtetas për drejtim të automjeteve në mënyrë të parregullt dhe shkelje të rregullave të qarkullimit rrugor
- Si dhe janë pezulluar 11 leje drejtimi.
Me qëllim parandalimin e aksidenteve, rritjen e parametrave të sigurisë në rrugë dhe garantimin e sigurisë së nxënësve (përdorues të rrugës), në mëngjes dhe pas përfundimit të orarit mësimor, Policia Rrugore ka vijuar monitorimin e akseve rrugore në të gjithë qarkun.
Pas konstatimit të shkeljeve të Kodit Rrugor dhe nëpërmjet përdorimit të mjeteve inteligjente që Policia Rrugore ka tashmë në dispozicion, gjatë muajit tetor 2023:
- Janë ndëshkuar në total 4358 drejtues automjetesh;
- Janë ndëshkuar 1901 drejtues mjetesh, për tejkalim shpejtësie;
- janë ndëshkuar 713 drejtues mjetesh, për parakalime të gabuara;
- Janë ndëshkuar 90 drejtues automjetesh, për mosvendosje të rripit të sigurimit;
- Janë ndëshkuar 21 drejtues për përdorim celulari;
- 1144 masa të tjera administrative për shkelje të ndryshme të Kodit Rrugor.
Policia e Rrugore e Korçës apelon për të gjithë përdoruesit e rrugës, që të zbatojnë me rigorozitet rregullat e qarkullimit rrugor, si dhe të kallëzojnë në numrin pa pagesë 112, çdo rast të shkeljes së tyre.
