Duke filluar nga dita e sotme, Sektori i Qarkullimit Rrugor ka ngritur pika kontrolli në gjithë qarkun juglindor, në bazë të Planit Operacional ROADPOAL të hartuar nga Drejtoria e Policisë Rrugore.
Për tre ditë me radhë, kontrollet do të vijojnë në 2 pika në Korçë, 2 në Pogradec si edhe 1 në Bilisht. Fokusi në këtë plan është konstatimi i mjeteve debitore ndaj masave administrative marra, si edhe konstatimi dhe ndëshkimi i mjeteve të shpallura Alert.
Deri më tani janë konstatuar disa raste të këtyre shkeljeve, ndërsa rezultatet përfundimtare do të vihen në dispozicion nga sektori i qarkullimit rrugor në përfundim të këtij plani masash.
