Ditën e sotme Policia e Korçës ka arrestur 4 persona të cilët drejtonin motomjete dhe mjete bujqësore pa leje drejtimi. Ata u shoqëruan në Komisariatin e Policisë së Korçës për të kryer procedurat e duhura.
Ja njoftimi i Drejtorisë Vendore të Policisë Korçë;
DVP Korçë/Vihen në pranga 4 shtetas drejtonin mjete pa leje drejtimi.
Specialistët e Trafikut Urban dhe Interurban të DVP Korçë arrestuan në flagrancë shtetasit:
- A. D., 22 vjeç, banues në fshatin Pojan, Maliq, pasi u kap nga shërbimet e Policisë, në afërsi të fshatit Pojan, duke drejtuar pa leje drejtimi, një motomjet pa targa dhe pa dokumentacionin përkatës;
- E. T., 28 vjeç, banues në Libonik, Maliq, pasi u kap në afërsi të fshatit Libonik, duke drejtuar pa leje drejtimi, një motomjet pa targa;
- R. Gj., 59 vjeç, banues në fshatin Klocë, Maliq, pasi u kap në afërsi të fshatit Vashtëmi, Maliq, duke drejtuar pa leje drejtimi, një motomjet pa targa;
- A. Sh., 18 vjeç, banues në fshatin Mollas, Kolonjë, pasi duke drejtuar pa leje drejtimi, një mjet bujqësor pa dokumentacionin përkatës, në dalje të fshatit, ka përplasur një automjet tjetër, duke shkaktuar dëme materiale, dhe më pas është larguar nga vendi i ngjarjes.
