Në Qytezën e Fëmijëve, aty ku fëmijët argëtohen dhe kultivojnë talentet e tyre falë ambjenteve bashkëkohore, u zhvillua aktiviteti “Prindërit në sytë e fëmijëve”. I ideuar dhe realizuar në kuadër të Javës së Martesës.
Performanca e kursit të kërcimit, pianos dhe muzikës bënë që prindërit dhe fëmijët të kalonin një kohë cilësore bashkë.
Prindërit e ftuar folën lidhur me ndikimin pozitiv që ka tek fëmijët një martesë e shëndetshme dhe në harmoni. Ata ju përgjigjën edhe pyetjeve kureshtare të vogëlushëve duke dhënë mesazhin për rëndësinë e madhe të raportit prind-fëmijë.
