Problemet fillojnë në lotin e dytë, lot i cili akoma nuk është marrë në dorëzim nga autoritetet rrugore. Në kushte të tilla ky lot ka mbetur pa mirëmbajtje edhe në kushte kur banorët e zonës përreth dhe turistët e përdorin këtë aks nacional.
Firma që po kryen punimet ka vendosur tabela duke ndaluar qarkullimin e mjeteve aq më tepër në një situatë si kjo, e rënduar për shkak të reshjeve të shumta.
Ndërkohë që aksi rrugor i vjetër nga Korça në Ersekë është i kalueshëm pa probleme për shkak të mirëmbajtjes nga ana e firmës kontraktore.
Autoritet u kërkojnë drejtuesve të mjeteve të përdorin gomat dimërore, pasi në segmente të caktuara për shkak të stuhisë ka prezencë dëborë dhe akulli.
E vështirë paraqitet situata edhe në aksin rrugor Boboshticë-Dardhë, aty ku trashësia e dëborës mësohet të ketë shkuar deri në 50 cm.
Më shumë se 4 borëpastruese dhe fadroma janë duke punuar për të normalizuar situatën e krijuar
