Pavarësisht temperaturave të ulëta, që kanë shoqëruar ditët e fundit qarkun e Korçës, nuk ka patur probleme me ngrohjen në institucionet arsimore.
Burime nga Drejtoria Rajonale e Arsimit Prauniversitar Korçë bëjnë me dije se procesi mësimor ka vijuar normalisht në të gjitha shkollat dhe kopshtet dhe nuk është parë e nevojshme reduktimi i orëve mësimore. Vetë nxënësit shprehen se ngrohja nuk ka munguar në asnjë moment.
Nga ana tjetër burime nga Ndërmarrja Mbështetëse e Arsimit dhe Çerdheve bëhet e ditur se është bërë furnizimi me lëndë djegëse dru zjarri, naftë dhe gaz të lëngshëm, i të gjitha institucioneve arsimore në Bashkinë e Korçës, për periudhën e mbetur deri në mbyllje të sezonit dimëror.
