Akti normativ për marrjen e masave urgjente në mbrojtje dhe përmirësim të infrastrukturës për trajtimin e ujërave që shkarkohen në det apo liqen lëshuar nga ministria e turizmit nuk është pritur aspak mirë nga operatorët turistik në fshatin turistik të Tushemishtit në Pogradec.
Pandi Llakamani dhe Roshi Tollozhina janë dy prej operatorëve të njohur të këtij fshati të cilët kanë kapacitetij më të madh të akomodimit.
Të dy janë kundër këtij akti normativ për faktin se e gjithë vija liqenore përfshihet në impiantin publik të ujërave të zeza dhe ujërave të përdoruara, ujëra këto që përpunohen në impiantin qendror të fshatit Zagorçan.
Valjona Saro, specialiste në ndërmarrjen e ujësjellës kanalizimeve Pogradec tha se operatorët turistik dhe gjitha njësitë e shërbimit deri në datën 1 Maj kanë kohë e duhur për t’u pajisur me impiantin e përpunimit të ujërave të zeza e të bardha ndërsa më pas do të fillojnë penalitetet.
Vetëm përgjatë vijës liqenore në Pogradec janë rreth 100 biznese të turizmit të cilat operojnë, ndër to, në Tushemisht 20 të tilla
