Një marshim proteste ka devijuar nga Xhamia e Namazgjasë drejt Rrugës së Elbasanit në Tiranë, ku pjesëmarrësit kanë lëshuar një seri thirrjesh politike. Tubimi po zhvillohet në shenjë proteste ndaj ndalimit të një autokolone me shqiptarë të diasporës në Nikshiq të Malit të Zi, të cilët po udhëtonin drejt Shqipërisë për t’iu bashkuar protestës.
Gjatë marshimit të turmës përgjatë këtij intinerari, nga pjesëmarrësit janë lëshuar thirrje të njëpasnjëshme si “Ju erdhi fundi!”, “Shqipëri etnike!” dhe “Bashkohuni studentë, kombi na thërret”.
Shkak kryesor për këtë reagim në rrugët e kryeqytetit u bë pengimi i autokolonës së bashkatdhetarëve nga diaspora në territorin e Malit të Zi, çka nuk i lejoi ata të mbërrinin në kohë për t’u bërë pjesë e tubimit.
