470 punonjës policie u angazhuan për mbarëvajtjen e zhvillimit të provimit të parë të Maturës Shtetërore, atij për gjuhën e huaj.
Në zbatim të urdhrit të Drejtorit të Përgjithshëm të Policisë së Shtetit “Për planifikimin dhe kryerjen e shërbimeve policore, gjatë procesit të provimeve të Maturës Shtetërore, qershor 2023”, Policia e Shtetit mori të gjitha masat e nevojshme, dhe mbrëmbjen e djeshme në të gjtihë vendin janë marrë në ruajtje 52 objekte arsimore, (Z. A.) në të cilat u vendosën materialet e provimit.
Mëngjesin e sotëm pranë çdo qendre provimi pati punonjës policie, në mënyrë që procesi i provimit të ishte i qetë dhe i sigurtë, përsa i përket detyrave funksionale që ka Policia e Shtetit, për mbarëvajtjen e këtij procesi.
Në përfundim të provimit punonjësit e policisë në zbatim të detyrave, bënë shoqërimin e materialeve të provimit.
Gjatë gjithë procesit, nuk është evidentuar asnjë incident, përsa i përket rendit dhe sigurisë.Policia e Shtetit uron maturantët në të gjithë vendin, suksese në këtë provim dhe në provimet e radhës.
Policia është pranë jush për t’ju përcjellë rend dhe siguri, për t’ju dhënë dorën miqësisht dhe për t’ju ndihmuar në rast nevoje.
