Partia Socialiste fitoi Bashkinë e Elbasanit, teksa qytetarët i besuan një mandat të dytë Gledian Llatjas.
Votimi në Elbasan u krye me elektronikë, dhe rezultati doli menjëherë pas mbylljes së procesit. Megjithatë ky proces u shoqërua me problematika.
Gjatë mëngjesit pati raportime se vota e qytetarëve i shkonte vetëm një kandidati, pavarësisht se kë votonin.
Lidhur me këtë, ka reaguar edhe sekretari i përgjithshëm i Partisë së Lirisë, Tedi Blushi. Ai ngre akuza lidhur me votimin elektronik në Elbasan.
Reagimi i plotë i Tedi Blushit:
Mos u habisni nga “rezultatet” e votimit elektronik ku qytetari voton Luçiano Boçin dhe i del Llatja!
Operacioni mafioz i Edi Ramës për të demotivuar komisionerët, numëruesit dhe vëzhguesit e opozitës duhet të marrë përgjigjen e merituar!
Të mbrojmë dhe numërojmë çdo votë për kandidatët tanë!
