Qendra Shumëfunksionale Komunitare në Devoll vijon pandërprerë punën e saj për kujdesin ndaj fëmijëve, duke u përkushtuar veçanërisht atyre nga familje në kushte të vështira ekonomike.
Në kuadër të festave të fundvitit, qendra organizoi shpërndarjen e dhuratave për vogëlushët që frekuentojnë qendrën, si dhe për fëmijët e familjeve më në nevojë, duke sjellë gëzim dhe atmosferë festive në jetën e tyre.
Ky aktivitet është pjesë e projektit “4 Rrota në Shërbim,” i financuar nga Fondi Social dhe i zbatuar nga Bashkia Devoll. Përmes këtij projekti, puna e përditshme me këta fëmijë merr një rëndësi të veçantë, duke u fokusuar në mbështetjen dhe mirëqenien e tyre.
Bashkia Devoll dhe Qendra Shumëfunksionale Komunitare shprehin angazhimin e tyre për të vazhduar me projekte të tilla, duke siguruar që asnjë fëmijë të mos mbetet jashtë vëmendjes, veçanërisht në periudhën festive të fundvitit.
