Gjatë ditës së sotme janë shënuar radhë të gjata në pikën kufitare të Qafë Thanës, për shkak të fluksit të lartë të qytetarëve që po udhëtojnë nga Shqipëria drejt Maqedonisë së Veriut.
Sipas burimeve zyrtare, trafik i rënduar paraqitet edhe në anën maqedonase të kufirit, duke ndikuar në ngadalësimin e lëvizjes së mjeteve dhe udhëtarëve.
Për të përballuar këtë situatë, autoritetet kufitare të të dy vendeve kanë rritur numrin e sporteleve dhe po zbatojnë procedura të përshpejtuara për kalimin e kufirit.
Ndërkohë, u bëhet apel udhëtarëve për durim dhe mirëkuptim, si dhe për të ndjekur njoftimet zyrtare mbi pikat alternative të kalimit për të shmangur pritjet e gjata.
