I pyetur për situatën e pak ditëve më parë në MEK, Ministri i Mbrojtjes Niko Peleshi tha se ndërhyrja e policisë ka qenë konfrom gjithë ligjeve të shtetit shqiptar dhe ne nuk mund të lejojmë krijimin e ishujve të vegjël ku tejkalohet ligji shqiptar.
“Normalisht që në këtë komunitet do të vijojmë të jemi vend pritës dhe do të plotësojmë gjithë angazhimet humanitare që kemi ndërmarrë por pa shkelur asnjë ligj të shtetit shqiptar” është shprehur ai.
Me tej Peleshi duke u ndaluar në Republikën Islamike të Iranit tha se asgjë nuk do të mund të justifikojë atë që Irani ka orkestruar si sulm kibernetik ndaj shtetit shqiptar, ndaj e për këtë ndërprerja me marrëdhëniet diplomatike me Iranin ka qenë një veprim i drejtë i qeverisë shqiptare dhe i guximshëm. Kjo për shkak se Irani ngelet një fuqi për fatin e keq në botën kibernetike.
“Ne do të reagojmë në cdo moment qe cenohet siguria kombëtare. Pas atij sulmi jo të suksesshëm nga ana e Iranit, shteti shqiptar ka ndërmarrë disa masa në sigurinë kibernetike për të mbrojtur të dhënat tona dixhitale. Dekurajojmë çdo forcë desktruktive që t’i afrohet Shqipërisë pasi Shqipëria është vend i NATO-s” ka thënë ai ndër të tjera.
Ministri Peleshi është shprehur se shteti shqiptar do të reagojë me trimëri dhe forcë nëse cenohet siguria kombëtare.
