Të gjithë prindërit që regjistrojnë fëmijët në klasën e parë, kanë afat deri më 30 qershor. Regjistrimi i fëmijëve për vitin e ri shkollor 2023- 2024 ka nisur me 15 qershor dhe do të mbyllet në fund të muajit. Ashtu si edhe një vit më parë, regjistrimi do të bëhet nëpërmjet portalit e-albania, duke plotësuar portalin përkatës.
Ministrja e Arsimit, Evis Kushi, nëpërmjet nje postimi në facebook, ka këshilluar prindërit që në rast nevoje për të plotësuar procesin e regjistrimit, të mbështeten nga stafet e dedikuara në çdo shkollë.
“Tashmë prej disa ditësh në sistemin e-Albania kanë nisur regjistrimet e nxënësve në klasat e para për vitin shkollor 2023-2024. Afati për këtë shërbim online është data 30 qershor 2023 dhe të gjithë prindërit që kanë nevojë për ndihmë do të mbështeten nga stafe të dedikuara në çdo shkollë. Për çdo pyetje apo paqartësi rreth procesit, mund të kontaktoni në adresën: [email protected]”, shkruan Kushi.
