Pas një pune të gjatë restauruese, u rikthye në vlerat e saj autentike ikona “Shën Thanasi”, Vepër e shek. XVII.
U ndërhy në të gjithë strukturën e veprës, panelin e degraduar, shtresat e shkëputura të grundit dhe piktures që paraqesnin një sërë problemesh dhe deri tek verniku i oksiduar.
Ikona e cila duhet të ketë qënë pjesë e ikonostasit, paraqit shenjtin në pozicion ballor në një sfond të kuq tipik për shumë vepra të kësaj periudhe të cilat realizoheshin në ateliet lokale.
Shenjti është pikturuar me kontraste të forta, tone të ngrohta dhe me sens të fortë grafik.
