Së shpejti do të nisë rikonstruksioni i Pallatit të Sportit “Tamara Nikolla” në Korçë, një ndërhyrje e shumëpritur për komunitetin sportiv të qytetit. Lajmi është konfirmuar nga nënkryetarja e Bashkisë Korçë, Benila Themeli, e cila theksoi se ky projekt është pjesë e strategjisë së bashkisë për të afruar qytetarët me sportin.
Ky pallat sporti, i ndërtuar në vitin 1975, ka pasur vetëm ndërhyrje të vogla mirëmbajtjeje gjatë viteve, ndërsa sot ndodhet në një gjendje të amortizuar. Për këtë arsye, rikonstruksioni i tij është një domosdoshmëri për të siguruar kushte më të mira për ekipet dhe sportistët e qytetit.
Puna për këtë projekt pritet të nisë së shpejti, ndërsa Bashkia Korçë e konsideron këtë investim një hap të rëndësishëm për zhvillimin dhe promovimin e sportit në qytet.
